Сэтгүүлч М.Батдоржийн нэрэмжит тэтгэлэгт уралдааны дүн гарч, шилдэгүүд тодорлоо. “Сэтгүүлч Батдорж” сан нь сэтгүүл зүйн чиглэлээр суралцаж байгаа их, дээд сургуулийн хоёр, гуравдугаар дамжааны оюутнуудын дунд жил бүр бүтээлийн уралдаан зарладаг уламжлалтай. Тус уралдаан Үндэсний сэтгүүл зүйн өдөр зарлагдаж, Дэлхийн хэвлэлийн эрх чөлөөний өдөр шагналаа гардуулдаг юм.
Уралдааныг хоёр үе шаттай зохион байгуулдаг. 10-р уралдааны эхний шат “Нүүх үү, үлдэх үү” сэдвийн хүрээнд болж 2 дахь шатанд 10 оюутан шалгарсан байна. “Сэтгүүлч Батдорж сан” энэхүү уралдааныхаа 10 жилийн ойд зориулан энэ жил хоёр оюутныг шалгаруулан бүтэн жилийн сургалтын тэтгэлгийг олгохоор шийдвэрлэсэн юм.
Уралдааны тэргүүн байрт МУИС-ийн 2-р дамжааны оюутан Д.Хүслэн “Голомт сахигчдын эгээрэл” эссе, “Олноос дундах онцгой” сурвалжилгаараа, мөн РТМУС-ийн 3-р курсын оюутан Г.Баярмаа “Өв соёл биднээс нүүлээ, бидэнд юу үлдэх вэ” эссэ, “Номын санчийн хомсдол” сурвалжлагаараа тэргүүн байрт шалгаран бүтэн жилийн сургалтын төлбөрийн тэтгэлэг хүртэх эрхээр шагнууллаа. Харин тусгай байрт РТМУС-ийн 3-р курсын оюутан Э.Тамир, ОТИС-ийн 2-р курсын оюутан Т.Чимэгбаяр, РТМУС-ийн 3-р зурсын оюутан А.Номин, ХИС-ийн 2-р курсын оюутан Г.Мөнганзул, ХИС-ийн 2-р курсын оюутан Б.Хонгорзул нар шалгарчээ.
“Сэтгүүлч Батдорж” сан өнгөрсөн 10 жилийн хугацаанд есөн оюутанд сургалтын төлбөрийн тэтгэлэг, 45 оюутанд мөнгөн урамшуулал олгож, үүнд 43 сая төгрөг зарцуулаад байна.
0 cэтгэгдэлтэй