Монгол, Италийн Засгийн газар хоорондын Эдийн засаг, техникийн хамтын ажиллагааны холимог комисс хуралдав

2021-06-23 375 1

Монгол, Италийн Засгийн газар хоорондын холимог комисс (ЗГХХК)-ын III хуралдааныг цахим хэлбэрээр энэ сарын 22-ны өдөр зохион байгууллаа. Комиссын Монголын хэсгийг Хүнс, хөдөө аж ахуй, хөнгөн үйлдвэрийн сайд З.Мэндсайхан, Италийн хэсгийг Гадаад хэрэг, олон улсын хамтын ажиллагааны дэд сайд Манлио Де Стефано нар даргалав.

Хуралдаанаар хоёр талын худалдаа, эдийн засаг, тэр дундаа хөдөө аж ахуй, хөнгөн үйлдвэрийн чиглэлийн хамтын ажиллагааг бэхжүүлэх, соёл, боловсрол, эрчим хүч, зам тээвэр, эрүүл мэнд, барилга, хот байгуулалтын салбарын харилцааг эрчимжүүлэх талаар санал солилцон хуралдааны үр дүнгээр Протокол байгуулж, Хүнс, хөдөө аж ахуй, хөнгөн үйлдвэрийн сайд З.Мэндсайхан гарын үсэг зурлаа.

Монгол Улсын худалдааны чухал түнш, манай ноолуурын экспортын Европ дахь томоохон зах зээлийн нэг Итали улсын хөдөө аж ахуйн дэвшилтэт технологийг нэвтрүүлж, туршлага судлахад Италийн талаас дэмжлэг үзүүлэхээ илэрхийллээ. Мөн хөдөө аж ахуй, хөнгөн үйлдвэрийн салбарын хүний нөөцийг чадавхжуулах сургалт явуулахад дэмжлэг үзүүлэхээр тохиров.

Монгол Улсын Засгийн газрын арьс, шир боловсруулах цогцолбор үйлдвэр байгуулах төсөлд Итали Улстай хамтран ажиллах, Италийн Санхүүгийн даатгал, бүтээгдэхүүн үйлчилгээний байгууллагаас хөрөнгө оруулалт татах сонирхолтой буйгаа Хүнс, хөдөө аж ахуй, хөнгөн үйлдвэрийн сайд З.Мэндсайхан илэрхийллээ.

Хоёр талын бизнес эрхлэгч хооронд шууд холбоо тогтоох, хамтын ажиллагаанд дэмжлэг үзүүлэх зорилгоор хүнс, хөдөө аж ахуй, хөнгөн үйлдвэр, аялал жуулчлалын чиглэлээр үйл ажиллагаа эрхэлдэг аж ахуйн нэгж хоорондын бизнес форумыг ойрын хугацаанд зохион байгуулахаар хуралдааны үеэр тохиролцсон байна.

 

  • I have read your article carefully and I agree with you very much. This has provided a great help for my thesis writing, and I will seriously improve it. However, I don’t know much about a certain place. Can you help me?

Холбоотой мэдээ