УИХ-ын гишүүн С.Ганбаатар УИХ-ын гишүүнийг хуулийн байгууллагаас шалгадаг процессыг байхгүй болгох хуулийн төсөл санаачилснаа баасан гарагт зарласан нь олон нийтийн эгдүүцлийг төрүүлээд байна. Тэрээр өөрөө мөнгө угаасан хэргээр, УИХ-ын дарга асан Д.Амарбаясгаланг нүүрсний хэргээр, цаашлаад УИХ-ын дэд дарга Х.Булгантуяаг төрийн эрх мэдлийг хууль бусаар авахыг завдсан хэргээр шалгах шаардлага үүссэн энэ цаг үед гишүүдийг шалгадаггүй болгох хууль санаачилсан нь ихээхэн анхаарал татаж байгаа юм.
С.Ганбаатар гишүүний зүгээс санаачилсан хуулийн төслөө “УИХ-ын гишүүний халдашгүй байдлыг хуулиараа хамгаална” гэсэн зүйл заалтыг хэрэгжүүлэхийн тулд гишүүдийг шалгадаггүй болгох шаардлагатай хэмээн тайлбарлаж байна. Уг асуудлаар АН-ын бүлэг завсарлага авсан бөгөөд өнөөдөр хуралдах бүлгийн хурлаараа хэлэлцэж байр сууриа тодорхой болгоно гэсэн. АН-ын бүлгийн завсарлага ирэх пүрэв гарагт дууссаны дараа уг саналыг УИХ-аар дахин хэлэлцэх юм.
0 cэтгэгдэлтэй